Футбол бўйича Россия Премьер Лигасининг 3-турида «Ростов» 19 август, чоршанба куни Москванинг «Динамо» клуби меҳмони бўлди.
Учрашув тенг курашлар остида ўтди, бироқ майдон эгалари вазиятлардан фойдаланишда самаралироқ ҳаракат қилди. 42-дақиқада Максимилиан Филипп пенальтини аниқ бажариб, москваликларни олдинга олиб чиқди. Бўлим якунланиши арафасида Николай Комличенко мезбонларнинг иккинчи голини урди.
Иккинчи бўлимда ҳам ҳар икки жамоа вакилларида имкониятлар бўлди, бироқ ҳисоб ўйин якунига қадар ўзгармади. Учрашувда ўзбекистонлик ҳужумчи Элдор Шомуродов тўлиқ ҳаракат қилди.
Кетма-кет иккинчи ўйинни бой берган Валерий Карпин шогирдлари 3 очко билан 10-ўринга тушиб кетди. «Динамо» (7) эса вақтинчалик пешқадамга айланди.
РПЛ
3-тур баҳси
19 август, чоршанба
«Динамо» — «Ростов» 2:0
Голлар: 1:0 – 42, пенальти Филипп, 2:0 – 45 Комличенко.«Динамо»: Шунин, Евгенев, Ордец, Скопинсев, Паршивлюк, Шиманьски (Карапузов, 64), Фомин (Моро, 69), Каборе, Комличенко (Игбоун, 64), Н`Жи (Терехов, 83), Филипп (Москвичев, 83).
«Ростов»: Песьяков, Козлов (Байрамян, 77), Осипенко, Чернов (Тошевски, 77), Ҳажикадунич, Еременко (Глебов, 67), Норманн (Ҳашимото, 77), Мамаев, Ионов (Ковалев, 87), Зайнутдинов, Шомуродов.
Огоҳлантиришлар: Зайнутдинов (16), Н`Жи (34), Норманн (34), Шомуродов (54), Паршивлюк (60).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)