Португалия президенти чўкаётган икки қизни қутқариб қолди

Португалия президенти Марселу Ребелу де Соуза чўкаётган икки қизни қутқариб қолди. Бу ҳақда 20minutos портали хабар қилган.

Ҳодиса 15 августда Алгаврадаги соҳилда юз берган. 71 ёшли Ребелу де Соуза икки нафар қизнинг каноэ қайиғи ағдарилганини ва уларнинг чўкаётганини кўриб қолган.

Давлат раҳбари дарҳол уларга ёрдамга шошилган. Маълум вақт ўтгач, ҳодиса жойига гидроциклда қутқарувчи етиб келган.

2 girls were having issues at a beach in Algarve. The man on the left is the Portuguese President, Marcelo Rebelo de Sousa. He reached out and helped them until the lifeguard arrived. pic.twitter.com/UQJvw1ksOs

— Sérgio Costa 🚁🕹️🎮 (@SergioMSCosta) August 15, 2020

Ребелу де Соузанинг қайд этишича, қизларнинг қайиғи бошқа пляж томондан келган тўлқин таъсирида ағдарилган. Улар қайиқ ағдарилганидан кейин уни ўгира олмаган ва кўп миқдорда сув ютиб оғир аҳволда қолган.

Эслатиб ўтамиз, 2020 йилнинг март ойида Португалия президенти Марселу Ребелу де Соуза коронавирус сабаб икки ҳафтага мўлжалланган тадбирларни бекор қилиб, кўнгилли равишда карантинга кетишга қарор қилганди.