Американинг Теннесси штатида ҳаракатланаётган автомобиль устига осмондан балиқ тушди. Бу ҳақда The Charlotte Observer нашри Ёввойи табиатни муҳофаза қилиш агентлигига таяниб хабар беради.
Эд Лайнбергер Теннесси штатининг Кингстон шаҳридаги Уоттс Бар кўли яқинида машина бошқариб кетаётган эди. Тўсатдан унинг машинасига осмондан оқ олабуға балиғи тушди.
Балиқ боши билан машинанинг бамперига ёпишиб қолган. Машина бузилган ёки йўқлиги ҳозирча номаълум.
Ёввойи табиат агентлиги бургут у билан ўлжа талашган бошқа қуш туфайли балиқни тушириб юборган, деб тахмин қилмоқда.
Изоҳ (0)