Ижтимоий тармоқларда Фарғона вилояти кўчалари исириқ ёрдамида дезинфекцияси қилинаётгани тасвирланган видео тарқалди.
Маълумотларга кўра, мазкур дезинфекцияси ишлари Қўқон шаҳрида амалга оширилмоқда. Видеодан кўриш мумкинки, юк машинасининг ортига чиқиб олган «Ободонлаштириш» кийимидаги уч нафар ходим қўлларидаги идишлар ёрдамида шаҳар кўчалари бўйлаб исириқ тутатмоқда.
Эслатиб ўтамиз, март ойида Ўзбекистон Соғлиқни сақлаш вазирилиги ҳузуридаги Санитария-эпидемиологик осойишталик агентлиги раҳбари Баҳром Алматов (ҳозирда агентлик директори ўринбосари) коронавирусдан ҳимояланиш учун уй шароитида исириқдан кўпроқ фойдаланишни тавсия қилган эди. Олий Мажлис Сенатининг февраль ойи охирида бўлиб ўтган иккинчи ялпи мажлисида ташриф буюрувчиларнинг иситмаси бор-йўқлиги тепловизорлар ёрдамида текширилгани, кириш жойида қўриқчилардан бири бинони исириқ билан тутатгани ҳақида хабар берилганди.
Изоҳ (0)