Ички ишлар вазирлиги Йўл ҳаракати хавфсизлиги бош бошқармаси А-373 Тошкент–Ўш халқаро автомобиль йўлининг 229-километрида Тошкент —водий йўналишидаги йўлнинг 50 метр қисми чўкканлиги сабабли ушбу масофада иккита ҳаракатланиш бўлаги ёпилган ҳолда таъмирлаш ва созлаш ишлари олиб борилаётганини хабар қилди.
«Ҳайдовчилар транспорт воситасида ҳаракатланиши учун битта бўлак очиқ қолдирилган. Улардан ўрнатилган йўл белгиларига амал қилган ҳолда эҳтиёткор бўлиб ҳаракатланишларини сўраб қоламиз», – дейилади бошқарма ахборотида.
Қамчиқ довонида тез-тез турли автомобиллар иштирокида йўл транспорт ҳодисалари содир бўлиб туради, хусусан, 16 август куни Тошкент—Ўш йўлида юк машинаси поезд билан тўқнашган, 19 июлда ҳайдовчининг ухлаб қолиши оқибатида Isuzu ва Sams юк машиналари иштирокида ЙТҲ юз берган, 25 июнда эса Тошкент—Ўш автомобиль йўлининг 250,5-километрида Isuzu ҳайдовчи бошқарувни йўқотиши оқибатида Howo’га урилган, Isuzu ҳайдовчиси ва салондаги йўловчи тан жароҳати олганди.
Изоҳ (0)