Юмшоқ, дўмбоқ ва ёқимли таъмга эга «ватрушка»лар дастурхонингизни безайди. Уни янада мазали қилиш учун творогга озгина майиз қўшиш ҳам мумкин.
Керакли масаллиқлар:
- 300 гр ун;
- 25 гр хамиртуруш;
- 80 мл сув;
- 63 гр сариёғ;
- 3 дона тухум;
- 2 гр туз;
- 120 гр шакар;
- 5 гр ванилин;
- 1 ош қошиқ ўсимлик ёғи;
- 250 гр творог.
- Идишга илиқ сув, 110 гр ун ва хамиртуруш солиб, аралаштиринг. Устини сочиқ билан ёпиб қўйинг.
- Идишни 1,5-3 соат давомида илиқ жойда қолдиринг. Вақти-вақти билан хамир қандай кўтарилишини текширинг. Унинг ҳажми уч бараварга ошиши керак.
- Хамирга эритилган сариёғ, тухум оқи, туз, шакар ва ванилин солиб аралаштиринг.
- Секин-аста қолган унни қўшиб, хамир қоринг. Бу камида 15 дақиқа давом этади.
- Хамир тайёр бўлгач, устини сочиқ билан ёпинг ва бир ярим соатдан икки соатгача илиқ хонада қолдиринг.
- Хамирни катталиги мандариндек бўлган бўлакларга бўлинг ва ёғланган идишга жойланг.
- Ҳар бир хамир бўлагини чуқурча қилиб ёйинг. Яна 30 дақиқа илиқ жойда қолдиринг.
- Творогни тухум сариғи, ун ва шакар билан аралаштиринг;
- Тухум сариғини ҳар бир хамир устига суринг ва устига творогларни жойлаштиринг.
- «ватрушка»ларни 180-190 градусда қиздирилган печда 15-17 дақиқа давомида пиширинг. Печга эътиборли бўлинг, пишиш вақти ҳар хил бўлиши ҳам мумкин.
Изоҳ (0)