Yumshoq, do‘mboq va yoqimli ta’mga ega “vatrushka”lar dasturxoningizni bezaydi. Uni yanada mazali qilish uchun tvorogga ozgina mayiz qo‘shish ham mumkin.
Kerakli masalliqlar:
- 300 gr un;
- 25 gr xamirturush;
- 80 ml suv;
- 63 gr sariyog‘;
- 3 dona tuxum;
- 2 gr tuz;
- 120 gr shakar;
- 5 gr vanilin;
- 1 osh qoshiq o‘simlik yog‘i;
- 250 gr tvorog.
- Idishga iliq suv, 110 gr un va xamirturush solib, aralashtiring. Ustini sochiq bilan yopib qo‘ying.
- Idishni 1,5-3 soat davomida iliq joyda qoldiring. Vaqti-vaqti bilan xamir qanday ko‘tarilishini tekshiring. Uning hajmi uch baravarga oshishi kerak.
- Xamirga eritilgan sariyog‘, tuxum oqi, tuz, shakar va vanilin solib aralashtiring.
- Sekin-asta qolgan unni qo‘shib, xamir qoring. Bu kamida 15 daqiqa davom etadi.
- Xamir tayyor bo‘lgach, ustini sochiq bilan yoping va bir yarim soatdan ikki soatgacha iliq xonada qoldiring.
- Xamirni kattaligi mandarindek bo‘lgan bo‘laklarga bo‘ling va yog‘langan idishga joylang.
- Har bir xamir bo‘lagini chuqurcha qilib yoying. Yana 30 daqiqa iliq joyda qoldiring.
- Tvorogni tuxum sarig‘i, un va shakar bilan aralashtiring;
- Tuxum sarig‘ini har bir xamir ustiga suring va ustiga tvoroglarni joylashtiring.
- “vatrushka”larni 180-190 gradusda qizdirilgan pechda 15-17 daqiqa davomida pishiring. Pechga e’tiborli bo‘ling, pishish vaqti har xil bo‘lishi ham mumkin.
Izoh (0)