Жанубий Кореяда ишлаб чиқарилган сериаллар Ўзбекистонда ҳам севиб томоша қилинади. «Домашний очаг» нашри қизиқарли сюжетга бой, севги ҳақидаги энг яхши корейс сериаллари ҳақида тўхталиб ўтди.
«Қиш сонатаси» (2002)
Кўплаб томошабинлар қалбидан жой олган бу сериал энг беғубор севги ҳақида ҳикоя қилади. Икки ёш йигит қизнинг – Жунсанг ва Южиннинг муҳаббати уларни қайта топиштиради. Автоҳалокат сабаб Жунсангни ўлди деб ўйлаган Южин уни кўрганида қаттиқ изтироб чекади. Чунки Жунсанг хотирасини йўқотган бўлади. Воқеалар барчага таниш. Бу сериалда севги ғалаба қозонади. Қайта-қайта кўрганда ҳам томошабин қалбини соф, самимий туйғулар тарк этмайди.
«Пиноккио» (2014)
Бу сериалда қаҳрамон «Пиноккио синдроми»дан азоб чекади. Ҳар сафар ёлғон гапиришга уринса, уни ҳиқичоқ тутади. Журналистлик касбида бу жуда панд беради, лекин қаҳрамон таслим бўлмайди. У болалигида ундан воз кечган онасини топишга ҳаракат қилади. Унинг болаликдаги дўсти ҳам журналист бўлиб ишлайди. У дўстининг ўтмишини яшириб, қасос олишни ният қилади. Аммо тез орада барчаси ошкор бўлади.
«Севги ёмғири» (2012)
Ёш қаҳрамонларнинг ота-оналари бир пайтлар ҳайратланарли севги ҳикоясини бошдан кечирган, бироқ бирга бўла олмаган. Эндиликда ёшлар бир-бирига кўнгил қўяди. Уларнинг севгиси турли хил синовларга дуч келади. Ўз севгиси учун курашда турли қийинчиликлар бошдан кечиради.
«Ирис», «Ирис-2» (2009, 2013)
Икки жасоратли махсус хизмат ходимлари ўртасидаги ҳақиқий можаро чинакам дўстликни барбод қилади. Чхве Син Хи айғоқчи ва шу тарзда ўзининг махфий гуруҳига агентларни йиғади. Сериалда душманлик, дўстлик, ҳасад, ватанга ва бир-бирига муҳаббат каби тушунчалар кенг ёритилган.
«Аср келини» (2014)
Етим Ду Рим пули ва муаммоси кўп қаҳрамон. У қариндошлари илтимосига кўра нотаниш одамнинг келини бўлади. Аммо турмушга чиққан куёвнинг оиласига қарғиш тегган. Унга кўра ҳар бир эркакнинг биринчи хотини тўй оқшомида вафот этади. Бундан Ду Рим бехабар. Қариндошлари йўқолган келинни астойдил излашга тушади.
«Юлдуздан келган одам» (2013)
До Мин Жун – ҳар нарсада мукаммал, лекин озгина эҳтиёткор ва такаббур инсон. Бу бекорга эмас: У 400 йил олдин Чосон сулоласи даврида Ерга қўнган. Юлдузларга қайтиш вақти келганда у актриса Чон Сон И билан учрашади. Улар бир-бирини севиб қолади, лекин келажак ноаниқ. У ерлик, бу эса юлдуздан келган одам.
«Жентелмен қадри» (2012)
Тўртта қирқ ёшли жўралар содиқ дўст ва улар катта ишлар билан банд. Бири аёлларга эътибор беришга ўрганиб қолган, бошқасининг манфаатпараст севгилиси бор, бири бева, тўртинчиси эса уйланган, аммо хотинбоз. Ҳаммаси турмушда инқирозга учраган қаҳрамон.
«Сирли боғ» (2010)
Ким Жу Вон ёш катта хўжайин, хоҳлаган нарсасини олишга одатланган (чунки унинг отаси ҳам катта хўжайин). Кил Ра Им – камбағал оиланинг қизи, у ҳамма нарсага ўзи эришган, масалан, каскадёр бўлган. Бу икки хил дунёқарашга эга ёшлар воқеалар давомида яқиндан танишади.
«Мени ўлдир ва давола» (2015)
Спортчи, келишган ва учинчи авлод миллионери Чха До Хёнанинг болалиги қийин кечган. Қаҳрамон Америкадан уйига — Кореяга қайтиб келиши ва корпорация раҳбарлигини ўз зиммасига олиши керак. Воқеалар шу тарзда мураккаблашади.
«Ёқимтой йигит» (2012)
Канг Ма Ру бирданига иккита қизни хурсанд қилишни хоҳлайди. Бири касал синглиси, бири эса болалигидан ўз жонига қасд қилишга одатланган севгилиси. Бир куни севган қизи тасодифан бир одамни ўлдириб қўяди. Канг айбни ўз зиммасига олади, акс ҳолда севганининг мухбирлик карьераси тугайди. Маълум муддат ўтгач, Канг озодликка чиқади. Аммо севган қизи бир бой кишига турмушга чиққан бўлади. Воқеалар шу тарзда ривожланади.
Изоҳ (0)