Қашқадарё вилояти Китоб туманида яшовчи шахс ҳовлисида етиштириш тақиқланган ўсимликни ўстиргани аниқланди, деб хабар бермоқда Тергов департаменти.
Маълум қилинишича, 2020 йилнинг 5 август куни соат 14:30 да ИИБ ходимлари томонидан ўтказилган тезкор тадбир давомида, Китоб туман Шатри қишлоғида яшовчи 38 ёшли Й.Ҳ.нинг яшаш уйи кўздан кечирилган. Текширув давомида унинг ҳовлисида уч туп яшил рангли, ўзига хос ҳидли ўсимликлари экиб, парваришлаб келаётганлиги аниқланган.
Ушбу ҳолат холислар иштирокида ўрнатилган тартибда расмийлаштирилган.
Судга оид кимёвий экспертиза хулосасида Й.Ҳ.нинг ҳовлисидан олинган бўйи 250 сантиметрдан 280 сантиметргача, поясининг қалинлиги 24,0 миллиметрдан 41,0 миллиметргача бўлган, уч туп, нам ҳолдаги (қуритилмаган) ўсимликлар каннабис ўсимлиги эканлиги аниқланган. Уларнинг жами соф оғирлиги 4,5 килограмм эканлиги кўрсатилган.
Ҳолат юзасидан Китоб тумани ИИБ ҳузуридаги Тергов бўлинмаси томонидан Жиноят кодексининг 270-моддаси 1-қисми (тақиқланган экинларни етиштириш) билан жиноят иши қўзғатилиб, тергов ҳаракатлари олиб борилмоқда.
Мавзуга доир:
- Тошкент ва Андижон вилоятларида яшовчи шахслар катта миқдордаги гиёҳванд моддалари билан қўлга олинди
- Тошкентдаги «Фарҳод» деҳқон бозори ҳудудидан 150 гр опий гиёҳвандлик воситасини 19,5 млн сўмга сотиб олган шахс ушланди
- Ўзбекистонда гиёҳванд моддалар савдоси билан шуғулланувчи уюшган жиноий гуруҳ фаолиятига чек қўйилди
Изоҳ (0)