Qashqadaryo viloyati Kitob tumanida yashovchi shaxs hovlisida yetishtirish taqiqlangan o‘simlikni o‘stirgani aniqlandi, deb xabar bermoqda Tergov departamenti.
Ma’lum qilinishicha, 2020-yilning 5-avgust kuni soat 14:30 da IIB xodimlari tomonidan o‘tkazilgan tezkor tadbir davomida, Kitob tuman Shatri qishlog‘ida yashovchi 38 yoshli Y.H.ning yashash uyi ko‘zdan kechirilgan. Tekshiruv davomida uning hovlisida uch tup yashil rangli, o‘ziga xos hidli o‘simliklari ekib, parvarishlab kelayotganligi aniqlangan.
Ushbu holat xolislar ishtirokida o‘rnatilgan tartibda rasmiylashtirilgan.
Sudga oid kimyoviy ekspertiza xulosasida Y.H.ning hovlisidan olingan bo‘yi 250 santimetrdan 280 santimetrgacha, poyasining qalinligi 24,0 millimetrdan 41,0 millimetrgacha bo‘lgan, uch tup, nam holdagi (quritilmagan) o‘simliklar kannabis o‘simligi ekanligi aniqlangan. Ularning jami sof og‘irligi 4,5 kilogramm ekanligi ko‘rsatilgan.
Holat yuzasidan Kitob tumani IIB huzuridagi Tergov bo‘linmasi tomonidan Jinoyat kodeksining 270-moddasi 1-qismi (taqiqlangan ekinlarni yetishtirish) bilan jinoyat ishi qo‘zg‘atilib, tergov harakatlari olib borilmoqda.
Mavzuga doir:
- Toshkent va Andijon viloyatlarida yashovchi shaxslar katta miqdordagi giyohvand moddalari bilan qo‘lga olindi
- Toshkentdagi “Farhod” dehqon bozori hududidan 150 gr opiy giyohvandlik vositasini 19,5 mln so‘mga sotib olgan shaxs ushlandi
- O‘zbekistonda giyohvand moddalar savdosi bilan shug‘ullanuvchi uyushgan jinoiy guruh faoliyatiga chek qo‘yildi
Izoh (0)