15 августдан эътиборан Тошкент шаҳрида жамоат транспортининг бир кунда ишга туширилгани ижтимоий масофани таъминлаш билан боғлиқ бўлган. Бу ҳақда АОКА ҳузуридаги штабда ташкил этилган брифингда Тошкент шаҳар транспорт бошқармаси бошлиғи Анвар Жўраев айтиб ўтди.
«Йўловчилар жамоат транспортидан фойдаланганда тиббий ниқобда бўлиши шарт. Уларнинг ижтимоий масофани сақлашларини таъминлаш учун Республика махсус комиссияси томонидан жамоат транспортларининг барча турлари бир кунда ишга туширилган. Бунда йўловчилар оқими тенг тақсимланиши таъминланди», — дейди Жўраев.
Ҳозирги кунда 149 та автобус йўналишида 1100 дан ортиқ автобус, 97 та микроавтобус йўналишида 900 тадан ортиқ микроавтобус, метрополитенда 3 та йўналиш: «Ўзбекистон», «Чилонзор» ва «Юнусобод» йўналишлари ишламоқда.Аҳоли орасида инфекция тарқалишининг имкон қадар олдини олиш учун автобуслар автобус саройидан чиқишида салонларини дезинфекциядан ўтказиш, ҳайдовчи ва чиптачиларнинг тана ҳароратини текшириш, тиббий ниқоб ва қўлқопда ишлаши белгиланган. Тошкент шаҳрида мавжуд бўлган 32 та автошохбекатларда ҳар бир қатновдан кейин автобус салонларини дезинфекциядан ўтказилади.
Метрополитен дезинфекция тунеллари, тепловизорлар, антисептиклар билан таъминланган. Ҳар 3 соатда вагонларни, ҳар бир метро бекатини эса кун давомида 4 марта дезинфекциядан ўтказиш белгиланган.
Мавзуга доир:
- «Тошшаҳартрансхизмат» пойтахтда жамоат транспорти ва метрополитен фаолияти нима сабабдан 15 августдан қайта тикланишига изоҳ берди
- Тошкентдаги автобусларга электрон тўловларни қабул қилиш учун валидаторлар ўрнатилмоқда
- Ўзбекистонда фаолиятини қайта тиклаётган жамоат транспортида ниқобсиз юрганларга нисбатан қатъий чоралар кўрилади
Изоҳ (0)