Тошкент шаҳри Миробод туманида 4 та – Cobalt, Isuzu, Lacetti ва Spark иштирокида йўл-транспорт ҳодисаси содир бўлди. Бу ҳақда шаҳар ИИББ хабар қилди.
Маълум қилинишича, 2020 йил 13 август куни тахминан соат 15:00 да Миробод тумани Сарикўл ва Банокатий кўчалари кесишмасида (Korzinka.uz супермаркети ёнида) тўртта транспорт воситалари: 31 ёшли Икромиддин М. бошқарувидаги Cobalt, 32 ёшли Фахриддин Ш. бошқарувидаги Isuzu, 44 ёшли Бектурди М. бошқарувидаги Lacetti ва 34 ёшли Евгений Ш. бошқарувидаги Spark русумли автомобиллар иштирокида йўл-транспорт ҳодисаси рўй берди.
Тахминга кўра, Cobalt ва Isuzu ҳайдовчилари тезликни оширган ҳолда ва светофорнинг сигналлари ўчиб-ёнаётганида перпендикуляр жойлашган ҳаракат йўлларидан чорраҳага бир вақтда чиққанликлари ЙТҲга сабаб бўлган. Мазкур икки автомобиль бир-бири билан тўқнашгач, юк автомобили инерсия туфайли ҳаракатни давом эттириб, четда қолдирилган Lacetti’га тўқнашган. Cobalt ҳам худди шу тарзда Spark’га урилиб, сўнг бетон тўсиқ билан тўқнашган.
ЙТҲ натижасида Cobalt автомобили ҳайдовчиси бадан шикастлари билан шифохонага етказилди. Ҳозирда терговолди текширувлари ўтказилмоқда.
Мавзуга доир:
- Қорақалпоғистонда маст ҳайдовчи Nexia’да икки болани уриб юборди. Болалар воқеа жойида вафот этди
- Тошкентда 19 ёшли ҳайдовчи бошқарувидаги Cobalt’нинг бетон тўсиққа урилиши оқибатида бир йўловчи ҳалок бўлди
- Олмазор туманида 3 та транспорт воситасини уриб қочган маст ҳайдовчи ушланди
- Қамчиқ довонида ҳайдовчининг ҳушёрликни йўқотиши оқибатида Cobalt йўлдан чиқиб кетди
Изоҳ (0)