Россия соғлиқни сақлаш вазири Михаил Мурашко Россиялик тиббиёт ходимлари гуруҳи Ўзбекистонга коронавирусга қарши курашда ёрдам бериш учун келишини маълум қилган эди. АОКА ҳузуридаги брифингда Коронавирусга қарши курашиш штаби аъзоси Барно Абдусаматова бу ҳақда тўлиқроқ маълумот берди.
«Россиядан 16 август куни 40 нафар мутахассис коронавирусга қарши курашда кўмаклашиш учун келишлари кутилмоқда. Бир ой давомида улар ўзбекистонлик мутахассислар билан ҳамкорликда ишлайди, амалий-услубий ёрдам беришади.
Уларнинг барчаси COVID-19’га чалинган беморларни даволаш бўйича тажрибага эга. Гуруҳ таркибида анестезиолог, реаниматолог, юқумли касалликлар бўйича мутахассис, эпидемиолог, терапевт ва кардиолог бор», — дейди Абдусаматова.
Барно Абдусаматованинг таъкидлашича, россиялик мутахассислар яқинда коронавирусга қарши курашда иштирок этиб Қозоғистондан қайтган.
Изоҳ (0)