Футбол бўйича Европа Чемпионлар Лигасининг чорак финалида 12 август, чоршанба куни «Аталанта» ва ПСЖ жамоалари ўзаро баҳс олиб борди.
Учрашувнинг дастлабки дақиқаларида бергамоликлар ҳужумларда фаоллик кўрсатди. Шунингдек, парижликларда ҳам кам сонли бўлса-да қулай имкониятлар юзага келди. 27-дақиқада Марио Пашалич бергамоликларнинг ҳужумини гол билан якунлади.
Шундан кейин устунлик ПСЖ томонига ўтди, бироқ французлар ҳужумларни якунлашда муваффақиятсиз ҳаракат қилди. Иккинчи бўлим ҳам Париж клубининг устунлигида ўтди. Италянлар таймнинг иккинчи ярмидан бошлаб тўлиқ эътиборни ҳимояга қаратди.
Кетма-кет ҳужумлар асосий вақтнинг сўнгги дақиқасига келиб ўз самарасини берди. Неймарнинг узатмасидан кейин Маркиньос яқин масофадан дарвозани ишғол қилди. Орадан икки дақиқа ўтиб, парижликлар иккинчи голни ҳам урди: Килиан Мбаппе ошириб берган тўпни Эрик Шупо-Мотинг дарвозага тўғирлаб юборди.
Шу тариқа Томас Тухель шогирдлари мусобақа ярим финалига йўл олди ва у ерда «Атлетико» — «Лейпциг» учрашуви ғолиби билан куч синашади.
ЕЧЛ
Чорак финал
12 август, чоршанба
«Аталанта» — ПСЖ 1:2
Голлар: 1:0 – 26 Пашалич, 1:1 – 90 Маркиньос, 1:2 – 90+2 Шупо-Мотинг.«Аталанта»: Спортелло, Гозенс (Кастань, 82), Толои, Калдара, Хатебур, Гомес (Малиновский, 59), де Рон, Пашалич (Муриэль, 70), Фройлер, Гимшити (Паломино, 60), Сапата (Да Рива, 82).
ПСЖ: Навас (Рико, 79), Керер, Маркиньос, Тиаго Сильва, Бернат, Гуйе (Паредес, 72), Эррера (Дракслер, 72), Сарабия (Мбаппе, 60), Кимпембе, Неймар, Икарди (Шупо-Мотинг, 79).
Огоҳлантиришлар: Гимшити (37), Фройлер (45), де Рон (50), Сапата (53), Бернат (54), Эррера (57), Толои (67), Паредес (75), Паломино (85).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)