Европа Чемпионлар Лигаси Лиссабонда «саккиз финалчи» тизимида ўтказилмоқда. Чорак финаллардан бошлаб кейинги босқич тақдири битта ўйинда ҳал бўлади.
Чорак финалнинг илк ўйинида ПСЖ жамоаси сўнгги дақиқалардаги голлар эвазига «Аталанта»ни таслим этди (2:1) ва соврин учун курашда давом этади.
Парижликлар клуби 1995 йилдан буён илк бор Чемпионлар Лигаси ярим финалига чиқди. 25 йил аввал ПСЖ ярим финалда «Милан»га имкониятни бой берганди (0:1, 0:2).
Сўнгги уч мавсумдан буён ПСЖ 1/8 финалдан уёғига ўтолмаётганди.
Томас Тухель жамоаси ярим финалда «Атлетико» — «Лейпциг» учрашуви ғолиби билан тўқнаш келади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)