Ўзбекистонда давлат бюджети даромадлари қандай солиқ турлари ҳисобига шакллангани маълум қилинди

Молия вазирлиги давлат бюджети даромадларининг асосий қисми қандай солиқлар ҳисобига шаклланганини маълум қилди.

ҚҚС — 14,3 триллион сўм (жами даромадларнинг 24,6 фоиз), фойда солиғи — 11,8 триллион сўм (20,3 фоиз), жисмоний шахслардан олинадиган даромад солиғи — 7,3 триллион сўм (12,5 фоиз), ер қаъридан фойдаланганлик учун солиқ — 7,6 триллион сўм (13 фоиз) ва акциз солиғи — 5,8 триллион сўм (10 фоиз).

Қўшилган қиймат солиғи (ҚҚС) бўйича тушумлар 2020 йилнинг январь—июнь ойларида 14,3 триллион сўмни ташкил этди ва бу ўтган йилнинг мос даврига нисбатан 2 триллион сўмга камдир.

Солиқ органлари томонидан назорат қилинадиган ҚҚС тушумлари 2020 йилнинг I ярим йиллигида 8,1 триллион сўмни ташкил этди. Бунда 2020 йил II чоракда ҚҚС тушумларининг I чоракка нисбатан 0,6 триллион сўмдан кўпроққа пасайиши кузатилди. Хусусан, тушумлар пасайиши май ойига тўғри келган бўлиб (қарийб 30 фоизга) ва бу апрель ойида карантин чекловларининг жорий этилиши билан изоҳланади.

Божхона органлари томонидан назорат қилинадиган ҚҚС тушумлари 2020 йил I ярим йиллигида 7,8 триллион сўмни ташкил қилди. Бунда 2020 йил II чоракда солиқ бўйича тушумлар I чоракдаги тушумлардан 4,1 фоизга кўп бўлди ва 4 триллион сўмни ташкил этди. Шу билан бирга, 1698 та юридик шахсга 811 миллиард сўмлик солиқни тўлаш муддати 120 кунгача кечиктириб берилди.

Фойда солиғи 2020 йил январь—июнь ойлари давомида фойда солиғи бўйича тушум 11,8 триллион сўмни ёки ўтган йилнинг мос даврига нисбатан 5,1 триллион сўмга кўп тушум таъминланди.

Жисмоний шахслардан олинадиган даромад солиғи бўйича 2020 йилнинг I ярим йиллигида тушумлар 2019 йилнинг мос даврига нисбатан 1,1 триллион сўм кўп бўлиб, 7,3 триллион сўмни ташкил этди.

Ушбу солиқ бўйича тушумлар 2020 йилнинг январь—июнь ойларида 630 миллиард сўмни ташкил этиб, 2019 йилнинг шу даврига нисбатан 307 миллиард сўмга камайган.

Ресурс солиқлари ва мол-мулк солиғи бўйича 2020 йилнинг I ярим йиллигидаги тушумларнинг умумий ҳажми 2019 йилнинг шу даврига нисбатан 0,5 триллион сўмга ошиб, 9,7 триллион сўмни ташкил этди.

Ресурс солиқларидан қўшимча тушумларнинг асосий қисми ер қаъридан фойдаланганлик учун солиққа тўғри келади. 2020 йилнинг I ярим йиллигида ер қаъридан фойдаланганлик учун солиқ тушумларини 2019 йилнинг I ярим йилликдаги тушумлар билан солиштирганда, 0,8 триллион сўмга кўпайди ва 7,6 триллион сўмни ташкил этди.

Мол-мулк солиғи, ер солиғи ва сув ресурсларидан фойдаланганлик учун солиқ бўйича 2020 йилнинг I ярим йиллигидаги тушумлар 2019 йилнинг мос даврига нисбатан 0,3 триллион сўмга камайди ва 2,1 триллион сўмни ташкил этди