Бокс бўйича оғир вазн тоифасида собиқ Жаҳон чемпиони Майк Тайсон узоқ муддатли танаффусдан сўнг рингга қайтиши олдидан қўрқувни енгиб ўтишнинг ўзига хос усулидан фойдаланди.
Боксчи Багам оролларига борди ва у ерда акулалар билан бирга сузди. Сув остига тушиш Discovery Channel телеканали томонидан суратга олинаётган кўрсатувнинг бир қисми эди. У уч босқичдан иборат бўлди: аввалига спортчи панжара қафас билан акулалар ёнига тушди, кейин эса улар билан очиқ океанда сузди.
Ҳал қилувчи босқичда Тайсонга сузиб юрган акулалардан бирини ҳаракатсиз қолдиришга уриниш таклиф этилди. Бунинг учун акулани бурнидан ушлаш ва қитиқлаш керак эди, шунда ҳайвонда вақтинчалик фалажлик юзага келади, яъни акула қотиб қолади.
Боксчи финал босқичидан аввал жуда қаттиқ қўрққанини айтди. Бироқ Майк синовдан ўтди ва ҳатто янги унвонга ҳам эга чиқди — суратга олиш гуруҳи уни акулалар ўртасида оғир вазн чемпиони деб эътироф этди.
Мавзуга доир: Майк Тайсон ва Рой Жонс ўртасидаги жанг санаси ўзгарди
Изоҳ (0)