Футбол бўйича Европа Лигаси чорак финалида «Манчестер Юнайтед» 10 август, душанба куни «Копенгаген» билан ўйнади.
Учрашув кутилганидек инглизларнинг ҳужумлари билан бошланди. Танаффусга қадар «қизил иблислар» бир бор рақиб дарвозасига йўл топишга ҳам муваффақ бўлди, бироқ гол офсайд сабаб видеотакрорлардан сўнг бекор қилинди.
Иккинчи бўлимда даниялик футболчиларда ҳам бир қанча имкониятлар бўлди, таймнинг иккинчи ярмида «Манчестер Юнайтед» футболчилари босимни оширди. Аммо ҳисоб учрашув якунига қадар ўзгармади ва қўшимча бўлимлар тайинланди.
Учинчи бўлим дебютида манкунианлар пенальти ишлаб олди. Уни Бруну Фернандеш аниқ бажариб, ҳисобни очди. Қолган вақтда «Юнайтед»да яни бир нечта голли вазиятлар бўлди, аммо «Копенгаген» дарвозабонининг қатор сейвлари голлардан қутқариб қолди.
Шу тариқа Оле-Гуннар Сульшер шогирдлари кейинги босқичга йўл олди ва ярим финалда «Вулверҳэмптон» — «Севилья» учрашуви ғолиби билан ўйнайди.
Европа Лигаси
Чорак финал баҳси
10 август, душанба
«Манчестер Юнайтед» — «Копенгаген» 1:0
Гол: 1:0 – 95, пенальти Бруну Фернандеш.«Манчестер Юнайтед»: Ромеро, Байи (Линдельоф, 71), Уан-Биссака, Магуайр, Уильямс, Погба, Бруну Фернандеш, Фред (Матич, 70), Марсьяль, Гринвуд (Мата, 90), Рэшфорд (Лингард, 113).
«Копенгаген»: Юнссон, Бойлесен (Бенгтссон, 15), Нелссон, Варела (Бартолец, 105), Белланд, Пеп Мас (Оведо, 58), Стаге (Мудражия, 105), Зека, Фалк (Вик, 111), Винд, Дарамю (Кауфманн, 57).
Огоҳлантиришлар: Магуайр (62), Байи (63), Кауфманн (75), Стаге (77), Зека (105).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)