Футбол бўйича Европа Лигаси мусобақасининг чорак финалида «Интер» 10 август, душанба куни «Байер» билан баҳс олиб борди.
Учрашув тенг курашлар остида бошланган бўлса-да, бўлимнинг биринчи ярмида миланликлар икки бор рақиб дарвозасини ишғол қилишга муваффақ бўлди. 15-дақиқада Николо Барелла буцасининг ташқи томони билан антиқа зарба йўллаган ҳолда ҳисобни очди. Орадан кўп вақт ўтмай Ромелу Лукаку италянларнинг иккинчи голини урди.
Бунга леверкузенликлар биринчи бўлимда Кай Ҳавертнинг 24-дақиқада киритган тўпи билан жавоб қайтарди.
Иккинчи бўлимда ҳам ҳар икки жамоа вакилларида бир қатор имкониятлар юзга келди, бироқ танаффусдан кейин дарвозалар дахлсиз қолди.
Шу тариқа «Интер» ушбу ғалабадан кейин мусобақа ярим финалига йўл олди. Антонио Конте шогирдлари финал йўлланмаси учун кечадиган баҳсда «Шахтёр» — «Базел» учрашуви ғолиби билан баҳс юритади.
Европа Лигаси
¼ финал босқичи
10 август, душанба
«Интер» Италия — «Байер» Германия 2:1
Голлар: 1:0 – 15 Барелла, 2:0 – 21 Лукаку, 2:1 – 24 Ҳаверц.«Интер»: Ҳанданович, Янг, де Врей, Бастони (Шкриньяр, 84), Д`Амброзио (Мозес, 59), Барелла, Гальярдини (Эриксен, 59), Брозович, Годин, Лукаку, Мартинес (Санчес, 64).
«Байер»: Градецки, Та, Тапсоба, Цинкгравен (Венделл, 68), Бендер (Бельараби, 85), Ҳаверц, Паласиос (Бэйли, 59), Баумгартлингер (Амири, 68), Демирбай, Диаби, Фолланд (Аларио, 85).
Огоҳлантиришлар: Д`Амброзио (31), Цинкгравен (43), Бендер (48), Эриксен (85), Тапсоба (87).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)