Каталониянинг «Барселона» клуби «Манчестер Сити»нинг португалиялик ярим ҳимоячиси Бернарду Сильвани ўз сафига қўшиб олишни хоҳламоқда. Бу ҳақда The Telegraph хабар бермоқда.
26 ёшли футболчи «Барселона»нинг ёзги трансферлар ойнаси вақтидаги асосий мақсади бўлиб турибди. Каталонияликлар Сильвага жамоадаги асосий роллардан бирини тақдим этишга тайёр.
2019/20 йилги мавсум сўнгига келиб, Сильва «Сити» асосий таркиби учун курашда Фил Фоденга имкониятни бой бериб қўйди.
Маълум бўлишича, «Барселона» Бернарду учун катта маблағ тўлашга тайёр эмас. Шу боисдан унинг трансфери учун маълум миқдор пул билан бирга футболчиларидан бирини «шаҳарликлар»га беришга тайёр. Улар қаторида «Сити» қизиқиш билдираётган Нелсон Семеду ҳам бор.
Бернарду Сильва 2019/20 йилги мавсум Англия Премьер Лигасида 34 та ўйинда майдонга тушиб, 6 та гол урди ва 7 та голли узатмани амалга оширди.
Тавсия: Лео Мессининг 19-рақамда ўйнаган вақтида урган қойилмақом 19 та голи (видео)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)