Уругвайлик ҳужумчи Эдинсон Кавани фаолиятини «Бенфика»да давом эттиради. Бу ҳақда журналист Танкреди Палмери хабар тарқатди.
Таъкидланишича, Кавани португал клуби билан келишувга эришган. Унинг янги клубидаги йиллик маоши 9 миллион еврога тенг бўлади.
Аввалроқ Каванига асосий даъвогар «Рома» бўлиб тургани ва Италия клуби июнь ойида унга 3 йиллик шартнома таклиф қилгани ҳақида хабарлар тарқалганди.
Маълумот учун, Эдинсон Кавани 2013 йилдан бери ПСЖ сафида тўп суриб келади. Июль ойида ўртадаги шартнома якунлангач, томонлар келишувни узайтирмасликка қарор қилди. Ҳужумчи Франция чемпионатининг ўтган мавсумида 14 та ўйин ўтказиб, 4 та гол урди 1 та голга ҳаммуаллифлик қилди.
Эдинсон Кавани ижросидаги шедевр 10 та гол (видео)
33 ёшли Кавани бунгача «Палермо» ва «Наполи» клубларида тўп сурган.
«Бенфика» Португалия чемпионатини 2-ўринда якунлади ва Чемпионлар Лигаси саралаш босқичида ўйнаш ҳуқуқини қўлга киритди.
Изоҳ (0)