Тошкент вақти билан 9 август, якшанба тонгида UFC Лас-Вегасда (АҚШ, Невада штати) ўзининг навбатдаги мусобақасини ўтказди.
UFC Fight Night 174 мусобақасининг асосий жанги оғир вазн тоифасида Деррик Льюис (24-7) ҳамда россиялик Алексей Олейник (59-14-1) ўртасида кечди. Жанг 2-раунддаёқ якунланди. Льюиснинг кучли зарбаларидан сўнг ҳакам техник нокаутни қайд этди. Шу тариқа Олейник фаолиятидаги 14-мағлубиятини қабул қилиб олди. Деррик эса ғалабалари сонини 24 тага етказди.
UFC Fight Night 174 натижалари билан танишинг
Асосий кард
- Деррик Льюис 2-раундда Алексей Олейникни техник нокаутга учратди;
- Крис Вайдман 29-27, 29-27, 29-28 ҳисобида Омари Аҳмедовдан устун келди;
- Даррен Стюарт 1-раундда Маки Питолони техник нокаутга учратди;
- Яна Куницкая 30-26, 30-27, 30-27 ҳисобида Юлия Столяренкони мағлуб этди;
- Бенейл Дариуш 1-раундда Скотт Ҳолцман устидан техник нокаут эвазига ғалаба қозонди.
Бошқа натижалар:
- Тим Минс 30-27, 29-28, 29-28 ҳисобида Лауреано Старополини таслим қилди;
- Кевин Ҳолланд 3-раундда Хоакин Баклини техник нокаут эвазига мағлуб этди;
- Насрат Ҳақпараст 30-27, 30-27, 30-27 ҳисобида Александр Муньосдан устун келди;
- Эндрю Санчес 1-раунддаёқ Веллингтон Турманни техник нокаутга учратди;
- Гевин Такер 3-раундда Жастин Жейнесни техник нокаут билан мағлуб этди;
- Юссуф Залал 30-26, 30-26, 30-27 ҳисобида Питер Барретт устидан ғалабага эришди;
- Ирвин Ривера 29-28, 28-29, 29-28 ҳисобида Али ал-Каисини таслим этди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)