Москванинг «Спартак» клуби бош мураббийи Доменико Тедеско жамоанинг янги ярим ҳимоячиси Остон Ўрунов ҳақидаги фикрлари билан ўртоқлашди.
«Ёш футболчи билан шартнома тузганимиз, муҳим масала. Ҳозир бизга уни ўрганиш учун, у эса жамоани ўрганиши учун вақт керак. Сўнгги уч ҳафта у шуғулланмаган — унда коронавирус кузатилганди, шу сабаб Остон сешанба кунида жамоа сафига қўшилди. Ҳозир бизнинг вазифамиз уни авайлаш ва ҳимоя қилиш. Унга вақт бериш керак. Яхши ўйинчилар бир нечта позицияда ўйнай олади, Ўрунов — яхши ўйинчи.
Жуда иқтидорли ва ёш, у бизнинг услубда «саккизинчи рақам» позициясида, иккинчи ҳужумчи ролида, қанот ҳимоясида, таянч ярим ҳимоясида ёки марказий ҳимояда ўйнаши мумкин — у кучли. Ҳозирда уни қайси позицияда ўйнатишни билмайман, аммо яхши ўйинчига ҳар доим жой топилади», — дейди Тедеско.
Мавзуга доир:
Остон Ўрунов фаолиятидаги ёрқин дриблинг ва чиройли голлар (видэо)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)