Футбол бўйича Ўзбекистон терма жамоаси 6 август, пайшанба куни Ўзбекистон ёшлар терма жамоасига қарши назорати баҳсида иштирок этди.
Учрашувнинг дастлабки қисмида Темур Кападзе шогирдлари фаол ҳаракат қилди ва иккита тўп киритишга эришди. 10-дақиқада Улуғбек Ҳошимов ҳисобни очган бўлса, 22-дақиқада Руслан Рўзиев пенальтини аниқ бажариб, жамоасининг иккинчи голини урди. Бунга миллий терма жамоа биринчи бўлимда Бобур Абдухолиқовнинг голи билан жавоб қайтарди.
Иккинчи бўлимда Вадим Абрамов жамоаси яна иккита тўп киритган ҳолда вазиятни ўнглашга эришди. 63-дақиқада Темурхўжа Абдухолиқов 11 метрлик жарима зарбасини аниқ амалга оширди. 77-дақиқада Азиз Турғунбоев якуний ҳисобни ўрнатди — 3:2.
Эслатиб ўтамиз, Ўзбекистон терма жамоаси Тошкентдаги «Бунёдкор» стадионида йиғин ўтказмоқда. Йиғин мазкур ўйин сингари коронавирус сабаб ёпиқ тарзда ўтказилмоқда.
Назорат учрашуви
6 август, пайшанба
Ўзбекистон — Ўзбекистон U-19 3:2
Голлар: 0:1 – 10 Улуғбек Ҳошимов, 0:2 – 22, пенальти Руслан Рўзиев, 1:2 – 27 Бобур Абдухолиқов, 2:2 – 63, пенальти Темурхўжа Абдухолиқов, 3:2 – 77, пенальти Азиз Турғунбоев.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)