WhoScored таҳлилий портали Европа топ-5 чемпионатлари футболчиларидан иборат 2019/20 йилги мавсум рамзий терма жамоасини эълон қилди.
Мавсум рамзий терма жамоасидан коронавирус сабаб муддатидан аввал якунланган Франция чемпионати футболчилари ўрин олмади.
Рамзий терма жамоа футболчиларнинг мавсум давомида тўплаган рейтинг очколаридан келиб чиқиб шакллантирилди. Энг юқори ўртача балл «Барселона» ҳужумчиси Лионель Мессида кузатилди — 8,71. Шунингдек, Месси сўнгги 11 мавсум ичида тўққизинчи марта WhoScored мавсум рамзий терма жамоасидан жой олди.
WhoScored талқинига кўра 2019/20 йилги мавсум рамзий терма жамоаси билан танишинг:
Дарвозабон: Ессе Йоронен («Брешия», Италия);
Ҳимоячилар: Рикарду Перейра («Лестер», Англия), Виржил ван Дейк («Ливерпуль», Англия), Жеймс Тарковски («Бёрнли», Англия), Альфонсо Дэвис («Бавария», Германия);
Ярим ҳимоячилар: Лионель Месси («Барселона», Испания), Жейдон Санчо («Боруссия» Дортмунд, Германия), Кевин де Брюйне («Манчестер Сити», Англия), Криштиану Роналду («Ювентус», Италия);
Ҳужумчилар: Роберт Левандовски («Бавария», Германия), Тимо Вернер («Лейпциг», Германия).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)