«COVID-19 билан касалланган беморларни даволаш бўйича вақтинчалик кўрсатмалар»нинг олтинчи нашрида беморни парвариш қилиш, уни даволаш жараёнида амал қилиш лозим бўлган шахсий ҳимоя қоидалари ҳақида маълумот берилган, дея хабар қилди Соғлиқни сақлаш вазирлиги ахборот хизмати.
Хабарга кўра Ўзбекистонда дунё тажрибаси ва маҳаллий иқлим шароитидан келиб чиққан ҳолда ҳаво ўтказмайдиган ҳимоя комбинезони ўрнига ҳозирги иқлим шароитига мос тиббий ҳимоя кийимларидан фойдаланишга ўтилади.
Ушбу қарор халқаро тажриба, шифокорларнинг фикри ва уларнинг шахсий хавфсизлигини таъминлаш масалаларини тўла инобатга олган ҳолда чиқарилган. ССВнинг қайд этишича, тиббиёт ходимлари қўлқоп, қалпоқча, N-95 респиратор ниқоби, хавфсизлик кўзойнаги ва юз учун тўсиқлар билан доимий ҳимояланиши шарт.
Даволаш муассасаларида хавф юқори бўлган реанимация ва интенсив терапия бўлимларида тиббиёт ходимлари юқорида келтирилган ҳимоя воситалари билан бирга олдинги комбинезонлардан доимий тартибда фойдаланади.
Мавзуга доир:Видео: Коронавирус беморлари даволанаётган Зангиота шифохонасининг жонлантириш бўлимидан репортаж
Изоҳ (0)