Sog‘liqni saqlash vazirligi koronavirusga chalingan bemorni ambulator va uy sharoitida davolashda e’tibor qaratish lozim bo‘lgan jihatlar haqida ma’lumot berdi.
Vazirlik axborot xizmatining birinchi yo‘riqnomasida COVID-19’ga chalingan bemorlarni ambulator sharoitda davolashning 10 kunlik tartibi haqida so‘z yuritilgan.
Bemorning ichki kasalliklari avvaldan bo‘lgan bo‘lsa, qon bosimini tushiruvchi va qonni suyultiruvchi dorilarni oilaviy shifokor bilan maslahatlashib, uning tavsiyasiga ko‘ra qabul qilish so‘ralgan. Shuningdek, qandli diabet kasalligiga chalinganlarga ham qand miqdorini kamaytiruvchi dorilarni shifokor maslahati bilan qabul qilish tavsiya etilgan.
Kun tartibi va yo‘riqnoma quyidagi infografikada keltirib o‘tilgan.
Mavzuga doir:
- “Gidroksixloroxinning koronavirusga qarshi samarasi biror mukammal tadqiqotda isbotlanmagan” — Entoni Fauchi
- JSST “Gidroksixloroxin”ning koronavirusni davolashda samarasiz ekanini ma’lum qildi
- “Dunyoda ‘Plakvenil’ni qo‘llash bo‘yicha aniq ko‘rsatma yo‘q” — nemis mutaxassisi avval JSST, so‘ng O‘zbekiston qo‘llanmadan chiqarib tashlagan preparat haqida
Avval O‘zbekistonda koronavirusning alomatsiz shakli bilan uyda davolanish shartlari ishlab chiqilgani, koronavirusning alomatsiz shakli bilan kasallanganlarni uy sharoitida davolash tartibi belgilangani haqida xabarlar berilgan. Shuningdek, “Yuksalish” umummilliy harakati Jahon sog‘liqni saqlash tashkiloti hamda O‘zbekiston Sog‘liqni saqlash vazirligi taqdim etgan ma’lumotlarga asoslangan COVID-19’ning asosiy klinik alomatlari va ularning kunlik jadvali e’lon qilgandi.