Ўзбекистон Қирғизистонга 560 минг долларлик инсонпарварлик ёрдами жўнатди. Бу ҳақда Қирғизистон фавқулодда вазиятлар вазири Замирбек Асқаров маълум қилди, деб ёзмоқда Kabar.kg.
Вазирнинг маълум қилишича, юк таркибидан 2 минг тонна буғдой уни, 9500 дона комбинезон, 12 минг дона ниқоб, 25 минг дона қўлқоп, 500 дона кўзойнак, 200 дона пирометр ва 45 тонна дезинфекцияловчи восита ўрин олган. Мазкур ёрдам юки мамлакат ҳудудлари ва соғлиқни сақлаш ташкилотларига тарқатилган.
Эслатиб ўтамиз, Ўзбекистон Қирғизистонга апрель, май, июль ойларида ҳам инсонпарварлик ёрдами жўнатганди. Шунингдек, Фарғона вилояти Қирғизистоннинг Боткен вилоятига инсонпарварлик ёрдами юборганди.
Аввалроқ Ўзбекистон Туркия, Германия, Сингапур ва ЖССТдан инсонпарварлик ёрдамларини қабул қилганди.
Изоҳ (0)