Ўзбекистонда 3 август соат 16:00 ҳолатига кўра коронавирус инфекциясини юқтириб олиш билан боғлиқ жами ҳолатлар сони расман 26 066 тага етди, дея хабар бермоқда Соғлиқни сақлаш вазирлиги.
Маълумот учун, Ўзбекистонда коронавирусга чалинганлар сони 14 июнь куни 5 мингдан, 5 июль куни 10 мингдан, 17 июлдан 15 мингдан, 26 июль куни 20 мингдан, 2 август куни 25 мингдан ошган эди.
ССВ маълумотларига кўра, 3 август куни соат 16:00 гача коронавирусга чалинганлар сони 513 кишига кўпайди. Шунингдек, 331 бемор соғайган, 9071 нафар бемор эса даволанишни давом эттирмоқда.
ССВ 3 август куни соат 16:00 га қадар тўртта ўлим ҳолатини маълум қилди: Бекободда 60 ёшли аёл, Тошкентда келеслик 67 ёшли эркак, шунингдек, Тошкент шаҳрида яшаган 69 ёшли ва 49 ёшли аёллар коронавирус асоратларидан вафот этган. Улар айнан қайси санада вафот этганига аниқлик киритилмаган.
Изоҳ (0)