«Наполи» бош мураббийи Женнаро Гаттузо Чемпионлар Лигаси 1/8 финали жавоб учрашуви доирасида ўтказиладиган «Барселона»га қарши ўйин олдидан фикр билдирди.
«Биз жамоа сифатида ҳаракат қилиб, ўз кучимизга ишонишимиз керак. Ўйин оғир бўлишини тушуниб турибмиз. Нимага қодир эканимизни исботлашимиз учун миямизни ортиқча нарсалардан тозалашимиз лозим. Месси? Уни фақат тушимда тўхтата олишим мумкин ёки PlayStation’да. Инсинье ҳақида гапирадиган бўлсам, тиббий кўрик натижаларидан сўнг унинг аҳволи ҳақида хулоса чиқарамиз. Умид қиламанки, жароҳат ўйлаганимиз каби жиддий эмас», — дейди Гаттузо.
Лионель Мессининг «Сантьяго Бернабеу»да «Реал»га урган энг қойилмақом голлари (видео)
Аввалроқ неаполликлар етакчиси Лоренцо Инсиньенинг жароҳат олгани ва «Барселона»га қарши ўйинни ўтказиб юбориши мумкинлиги ҳақида хабарлар тарқалганди.
Эслатиб ўтамиз, «Барселона» — «Наполи» учрашуви 8 август санасида бўлиб ўтади. Томонларнинг Неаполдаги дастлабки тўқнашувида 1:1 ҳисобидаги дуранг қайд этилган.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)