“Napoli” bosh murabbiyi Jennaro Gattuzo Chempionlar Ligasi 1/8 finali javob uchrashuvi doirasida o‘tkaziladigan “Barselona”ga qarshi o‘yin oldidan fikr bildirdi.
“Biz jamoa sifatida harakat qilib, o‘z kuchimizga ishonishimiz kerak. O‘yin og‘ir bo‘lishini tushunib turibmiz. Nimaga qodir ekanimizni isbotlashimiz uchun miyamizni ortiqcha narsalardan tozalashimiz lozim. Messi? Uni faqat tushimda to‘xtata olishim mumkin yoki PlayStation’da. Insinye haqida gapiradigan bo‘lsam, tibbiy ko‘rik natijalaridan so‘ng uning ahvoli haqida xulosa chiqaramiz. Umid qilamanki, jarohat o‘ylaganimiz kabi jiddiy emas”, — deydi Gattuzo.
Lionel Messining “Santyago Bernabeu”da “Real”ga urgan eng qoyilmaqom gollari (video)
Avvalroq neapolliklar yetakchisi Lorenso Insinyening jarohat olgani va “Barselona”ga qarshi o‘yinni o‘tkazib yuborishi mumkinligi haqida xabarlar tarqalgandi.
Eslatib o‘tamiz, “Barselona” — “Napoli” uchrashuvi 8-avgust sanasida bo‘lib o‘tadi. Tomonlarning Neapoldagi dastlabki to‘qnashuvida 1:1 hisobidagi durang qayd etilgan.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)