Туркия ва Ўзбекистон ҳукумати ўртасида имзоланган тиббий жиҳозларни беғараз топшириш битими доирасида COVID-19 эпидемиясига қарши курашда ишлатиладиган ҳимояловчи тиббиёт материалларидан иборат ёрдам 31 июль куни Тошкентга етиб келди, деб хабар беради ЎзА.
Маълум қилинишича, 50 000 дона N-95 ниқоб, 200 000 жарроҳлик ниқоби, 40 000 дона комбинезон, 5 000 дона юзни тўлиқ тўсувчи ниқоб ва COVID-19’ни даволашда қўлланиладиган дори воситаларидан иборат қарийб 12,5 тонна инсонпарварлик ёрдами Қурбон ҳайитнинг илк куни тонгга яқин етиб келган.
Юкларни қабул қилиб олган Ўзбекистон Соғлиқни сақлаш вазирлиги масъуллари мураккаб вақтда доимо ёрдамларини аямаган турк халқига миннатдорлик билдирган.
Аввалроқ Туркия Қурбон ҳайити муносабати билан Сардоба тошқинида жабр кўрганлар учун инсонпарварлик ёрдами юборгани тўғрисида хабар берилганди.
Изоҳ (0)