Ўзбекистонда 2 август соат 17:00 ҳолатига кўра, 296 кишида коронавирус аниқланди. Ўзбекистон бўйича коронавирус инфекцияси қайд этилганлар сони 25 336 нафарга етди. Бу ҳақда Соғлиқни сақлаш вазирлиги хабар бермоқда.
Янги касалланиш ҳолатларининг
- 226 нафари Тошкент шаҳрида тана ҳарорати кўтарилганлиги сабабли профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида;
- 51 нафари эса Ўртасарой карантин марказига жойлаштирилган фуқаролар (барчаси хориждан келган) орасида;
- 19 нафари Андижон вилоятида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.
Шунингдек, 2 август куни айни вақтга қадар Ўзбекистон бўйлаб коронавирус инфекциясидан даволанаётган беморлардан 534 нафари соғайди.
Жумладан, беморларнинг
- 320 нафари Тошкент шаҳрида;
- 130 нафари Тошкент вилоятида;
- 35 нафари Андижон вилоятида;
- 27 нафари Бухоро вилоятида;
- 13 нафари Наманган вилоятида;
- 9 нафари Фарғона вилоятида касалликдан фориғ бўлди.
«Ҳозирда мамлакатимизда 9 352 нафар беморга шифокорларимиз томонидан белгиланган стандартлар бўйича даво чоралари кўрилмоқда», — дейилади ССВ хабарида.
ССВ ҳисобига кўра, коронавирус қурбонлари сони 151 нафарга етди. «Дарё» ҳисоби бўйича коронавирус асоратлари оқибатида вафот этганлар сони 159 нафарни ташкил этмоқда.
Изоҳ (0)