Тошкент вилояти Чиноз туманида Cobalt ҳамда Lacetti машиналари иштирокида йўл-транспорт ҳодисаси содир бўлди. Бу ҳақда Тошкент вилояти ИИББ ЙҲХБ ахборот хизмати «Дарё»га маълум қилди.
Хабарга кўра 2020 йил 29 июль куни соат тахминан 09:00 ларда Чиноз тумани, «Чинмасжид» МФЙ ҳудудидан ўтувчи халқаро аҳамиятга эга бўлган М-39 автомобиль йўлида Lacetti ҳамда Cobalt тўқнашган.
Сирдарё вилоятида истиқомат қилувчи 1981 йилда туғилган Р.Ш. бошқарувидаги Lacetti йўлни ажратиб турувчи бетон бордюрдан қарама-қарши томонига чиқиб кетган ва 1977 йилда туғилган А.Ғ. бошқарувидаги Cobalt’га урилган.
Тўқнашув оқибатида Lacetti ичида бўлган йўловчи, 1981 йилда туғилган Тошкент шаҳридаги истиқомат қилувчи Р.О. олган тан жароҳатлари оқибатида воқеа жойида вафот этган. Шунингдек, Lacetti Р.Ш. оғир тан жароҳати олган ва Чиноз тумани марказий шифохонасига ётқизилган.
Аввалроқ 2020 йил апрель ойида Тошкент вилоятида ҳайдовчининг ЙТҲ содир этиб, қочиб кетиши оқибатида 33 ёшли В.Р. исмли фуқаро вафот этгани, май ойида Тошкент вилоятининг Янгийўл тумани ҳудудида содир бўлган ЙТҲда 20 ёшли О.В. исмли шахс тан жароҳати олиб шифохонага ётқизилгани ва у ерда ҳаётдан кўз юмгани, 29 июлда эса Сирдарё вилоятида Isuzu ва Lacetti автомашиналари иштирокида йўл-транспорт ҳодисасида енгил автомобиль ёниб кетгани, лекин ҳайдовчи ва йўловчиларга шикаст етмагани ҳақида хабарлар берилган.
Изоҳ (0)