Ўзбекистон соғлиқни сақлаш вазири Алишер Шодмонов Республика ихтисослаштирилган кардиология илмий-амалий тиббиёт марказида стационар шароитда даволанаётгани ҳақида хабар берилганди.
ЎзАнинг маълум қилишича, ҳукуматнинг 30 июлдаги қарорига кўра, бош вазирнинг ижтимоий ривожлантириш масалалари бўйича ўринбосари Беҳзод Мусаевга бир вақтнинг ўзида соғлиқни сақлаш вазири вазифасини бажариш юкланди.
Эслатиб ўтамиз, 15 июль куни Президент раислигидаги йиғилишда коронавирусга қарши курашни самарали ташкил қилмагани учун Алишер Шодмоновга ҳайфсан берилганди. 18 июль куни ССВ матбуот хизмати Алишер Шодмонов коронавирус беморларини даволашда янги тактика ишлаб чиқиш учун Қорақалпоғистонга боргани ҳақида хабар берди. Шодмонов у ерга нафақат янги тактика ишлаб чиқиш учун, балки коронавирусга чалинган Қорақалпоғистон Республикаси Жўқорғи Кенгеси раиси Муса Ерниязовнинг аҳволини хорижлик мутахассислар билан видеоконференция орқали муҳокама қилиш учун ҳам боргани маълум бўлганди.
Изоҳ (0)