АҚШ Ҳарбий-ҳаво кучларининг космик қўмондонлиги Россияни Ер орбитасида сунъий йўлдошларга қарши қуролни синовдан ўтказганликда айблади.
АҚШ маълумотларига кўра, синовлар 15 июль куни ўтказилган, ўша куни «Космос-2543» сунъий йўлдошидан номаълум объект ажралиб чиққан. Космик қўмондонлик баёнотида ушбу объект нима эканлиги ва содир бўлган воқеа нимани англатишига ойдинлик китирилмаган. Бироқ таъкидланишича, АҚШда бу қурол синови эканлигини исботловчи далиллар мавжуд.
Буюк Британия Мудофаа вазирлиги вакили Харви Смит ҳам Россияга нисбатан шу каби айбловни эълон қилган.
Sky News’нинг тахминича, Россия ўзига тегишли сунъий йўлдошларнинг бирида бошқасига снаряд учирган бўлиши мумкин.
Апрель ойининг ўрталарида ҳам АҚШ Россия сунъий йўлдошга қарши ракетани синовдан ўтказганини маълум қилган қилганди. Ўша вақтда ушбу ракета Ернинг паст орбитасидаги сунъий йўлдошни уриб туширишга қодирлиги, синов Америка сунъий йўлдошини кузатган «Космос 2542» ҳамда «Космос 2543» космик сунъий йўлдошларининг манёвридан кейин амалга оширилгани таъкидланган эди.
Изоҳ (0)