Бутун дунёда коронавирус инфекцияси билан касалланганлар сони 15 миллион нафардан ошди. Бу ҳақда онлайн тарзда ҳукуматлар берган маълумотлар ва расмий манбалар ахбороти асосида статистикани тақдим этиб бораётган АҚШнинг Жонс Ҳопкинс университети маълум қилган.
Сўнгги пайтларда касалланишлар сони бутун дунёда кескин ошиб бормоқда. Кунига 230-240 мингта янги касалланиш ҳолати қайд этилмоқда. Июль бошида кунига 180-190 мингта янги ҳолат қайд этилаётганди.
COVID-19 билан касалланган кишилар энг кўп бўлган давлат ҳали ҳам АҚШ бўлиб турибди, бу ерда 3,9 миллиондан (3 919 550) ортиқ кишида касаллик аниқланган. Кейинги ўринларни Бразилия (2 159 654), Ҳиндистон (1 193 078) ва Россия (787 446) эгаллаб турибди.
2020 йил 1 июль куни бутун дунёда коронавирус инфекциясига чалинганлар сони 13 миллион нафардан ошгани, 18 июлда 14 миллион кишидан ошгани, бир кундан кейин, 19 июлда эса жаҳонда коронавирусдан вафот этганлар сони 600 минг нафардан ошгани ҳақида хабарлар берилган.
Изоҳ (0)