Италия коронавирус «бўрони»дан чиққани маълум қилинди

Италия коронавирус эпидемиясини енгди. «РБК»нинг хабар беришича, бу ҳақда мамлакат соғлиқни сақлаш вазири Роберто Сепаранса маълум қилди.

«Италия бунинг уддасидан чиқди деб ҳисоблайман. Мен ҳукуматни эмас, бутун мамлакатни назарда тутяпман. Биз Хитойдан кейин жабрланган иккинчи мамлакат бўлгандик ва бизда ҳеч қандай йўриқнома йўқ эди», — деган Роберто Сепаранса.

Унинг таъкидлашича, мамлакат «бўрондан» чиқди, лекин ҳали хавфсиз жой топмади. Сепарансанинг сўзларига кўра, сўнгги ойлар Италия тарихида Иккинчи Жаҳон уруши давридан буён энг қийин вақт бўлган. Шу билан бирга, мавжуд вазир вазият касаллик ортда қолди, деб айтишга ҳозирча имкон бермайди. Вакцина пайдо бўлганидан кейингина тўлиқ ғалаба ҳақида гапириш мумкин.

Жонс Ҳопкинс маълумотларига кўра, 22 июль ҳолатига кўра Италияда коронавирус қайд этилганлар сони 244 минг кишидан ошган. Шундан 197 минг нафари соғайган, 35 минг нафардан ортиғи вафот этган. Мамлакат касалланганлар сони бўйича Ғарбий Европада Буюк Британия ва Испаниядан кейин учинчи ўринда.