Футбол бўйича Англия Премьер Лигасининг 37-турида «Манчестер Юнайтед» 22 июль, чоршанба куни «Вест Ҳэм»ни қабул қилди.
Учрашув майдон эгаларининг устунлигида бошланди, бироқ биринчи бўлиб гол уриш лондонликларга насиб этди. Пол Погба ўз жарима майдони ичида тўпни қўли билан ўйнагани учун биринчи бўлим якунланиши арафасида пенальти белгиланди. Уни Майкл Антонио голга айлантирди.
Иккинчи бўлим дебютида Мэйсон Гринвурд Антони Марсьялнинг узатмасидан сўнг ҳисобни тенглаштиришга эришди. Қолган вақтда ҳисоб ўзгармади.
Мазкур натижадан сўнг «Манчестер Юнайтед» 63 очко билан 3-ўринга кўтарилди. «Вест Ҳэм» (38) эса бу дурангдан кейин лигада жон сақлаб қолди.
Сўнгги турда Оле Гуннар Сульшер шогирдлари «Лестер» (62) майдонига сафар қилади. Айнан шу ўйинда Чемпионлар Лигаси йўлланмаси ҳал бўлади.
АПЛ
37-тур баҳси
22 июль, чоршанба
«Манчестер Юнайтед» — «Вест Ҳэм» 1:1
Голлар: 0:1 – 45+2, пенальти Антонио, 1:1 – 51 Гринвуд.«Манчестер Юнайтед»: Де Хеа, Магуайр, Линдельоф, Уильямс, Фосу-Менса (Уан-Биссака, 46), Матич, Погба, Бруну Фернандеш, Марсьяль, Рэшфорд (Игало, 85), Гринвуд.
«Вест Ҳэм»: Фабианьски, Огбонна, Диоп, Крессуэлл (Масуаку, 75), Жонсон, Форнальс, Райс, Антонио (Аллер, 78), Соучек, Боуэн, Нобл.
Огоҳлантиришлар: Фосу-Менса (44), Рэшфорд (70), Бруну Фернандеш (81), Масуаку (82).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)