Бокс бўйича бешта вазн тоифасида собиқ Жаҳон чемпиони Рой Жонс оғир вазн тоифаси собиқ чемпиони Майк Тайсон билан жанг ўтказиши мумкинлигини ҳақидаги хабарларга шарҳ берди.
«Ҳа, бу тўғри, Майк — афсона. У билан бирга рингга чиқишга таклиф олиб, уни рад этиш ақлсизлик бўлади. Мен боксга қайтишни ва яна муштлашишни истамагандим, бироқ Майк Тайсон учун истисно қилишга тайёрман.
Бу мен учун рад этиб бўлмас имконият. Шунча талабгорлар ичида у мени танлади. Майк шундай қилган экан, қанақасига йўқ дея олишим мумкин?», — дейди Жонс.
Аввалроқ 54 ёшли Майк Тайсон ва 51 ёшли Рой Жонс ўртасидаги жанг сентябрь ойида АҚШда бўлиб ўтиши мумкинлиги ҳақида хабарлар янграганди.
Эслатиб ўтамиз, аввалроқ Тайсон рингга қайтиши ва бир нечта кўргазмали жангларда иштирок этишини маълум қилганди.
Маълумот учун, Майк рингдаги сўнгги жангини 2005 йил ўтказган. Тайсон профессионал боксда 58 та жанг ўтказиб, уларнинг 50 тасида ғалаба қозонган. 44 та жангда рақибларини нокаутга учратган. Олтита жангда мағлуб бўлган. Иккита жанги натижаси ҳисобга олинмаган.
Рой Жонс эса профессионал боксда 75 та жанг ўтказиб, 66 ғалабага (47 таси нокаут) эришган ва тўққиз бор мағлуб бўлган.
Рой Жонс ва Майк Тайсон иштирокидаги энг сара жангларни томоша қилинг (видео)
Изоҳ (0)