Қарийб 61 миллион АҚШ долларига тенг бўлган гилос 18 мамлакат бозорларида сотилган, деб хабар берди ЎзА.
Қайд этилишича, 2020 йилнинг дастлабки 7 ойи мобайнида Ўзбекистон 31,3 минг тонна гилос экспорт қилган. Давлат статистика қўмитаси матбуот хизмати маълум қилишича, ушбу кўрсаткич 2019 йилнинг мос даврига нисбатан таққослаганда 14,6 минг тоннага кўп.
Таъкидланишича, қарийб 61 миллион АҚШ долларига тенг бўлган гилос 18 мамлакат бозорларида сотилган. Улар орасида Қозоғистон 16,7 минг тонна (23 миллион АҚШ доллари), Россия 9,3 минг тонна (15,8 миллион АҚШ доллари), Қирғизистон 4,7 минг тонна (20 миллион АҚШ доллари) ва Жанубий Корея 124,3 тонна (496,9 минг АҚШ доллари) билан юқори улушга эга бўлди.
Шу билан бирга, бу йил ўзбек гилоси Германия, Литва, Люксембург, Уммон, Жанубий Корея ва Таиланд давлатларига ҳам экспорт қилингани қайд этилган.
Мазвуга доир:
Изоҳ (0)