Американинг аёллар учун мўлжалланган Victoria’s Secret бренди моделлари ўзининг гўзаллиги ва чиройи билан ҳамиша диққат марказида бўлган. Уларнинг қиёфасидаги ўзига хосликни акс эттиришда эса компания визажистлари хизмати беқиёс. Моделларни макияж қилишда визажистлар томонидан амал қилинадиган қоидалар нимадан иборат? Қуйида ушбу саволга жавоб бериб ўтамиз.
Парвариш
Макияж юзда мукаммал туриши учун юзни тозалаш, парваришлаш ва намлантириш босқичлари амалга оширилган бўлиши керак. Аксари визажистлар юзни мицеляр сув билан тозалаб, стандарт база суртишни ўзи билан чекланади, лекин бу етарли эмас. Тозалаш жараёнида иложи борича, гель ва сувдан фойдаланиш керак. Намлантирувчи кремни унутмаслик шундан кейингина, керак бўлса база суртиш керак.
Консилер
Авваллари консилерни тери рангидан кўра очроғидан фойдаланиш керак деган тушунча мавжуд бўлган. Лекин бу услуб яққол контуринг учунгина айни муддао. Консилерни тери рангидагисидан фойдаланиш ва иложи борича макияжда ажралиб қолмасдан, табиий туришига эътибор қаратиш керак.
Пудра
Юзингиз учун тонал крем шарт бўлмаса, унда ҳамма ишлатгани учунгина уни харид қилиш ва фойдаланиш тавсия қилинмайди. Аввало тери ҳолатига эътибор беринг, кейин бўлса макияж учун мўлжалланган стандарт маҳсулотлардан фойдаланинг. Пудрадан фойдаланишда рангсиз, уқаланиб кетмайдиганини танлаш маслаҳат берилади. Қуюқ ва ранглиси юзни ниқоб сингари нотабиий кўрсатиши мумкин. Пудра айниқса ёз макияжи учун айни муддао.
Изоҳ (0)