Ташқи кўриниш ва саломатлик билан боғлиқ турли қарашлар мавжуд экани ҳақиқат. Лекин уларнинг ҳаммаси ҳам тўғри бўлавермаслиги, айниқса тери парвариши бўйича умумийликдан қочиб, индивидуал ёндашиш керак.
1. Кўп сув ичса, тери намланади
Сув ичишнинг саломатлик ва тери учун аҳамиятини инкор этиб бўлмайди. Кўп сув истеъмоли ҳазм жараёнининг яхшиланиши, қон айланиши яхшиланиши ва токсинлардан тозалашда самара беради, лекин териси қуруқ, кўчадиган киши фақатгина сув ичиш орқали мавжуд муаммони бартараф этолмайди. Бунда ички ва ташқи томондан намлантиришни йўлга қўйиш, сифатли ва парваришловчи воситалардан фойдаланиш тавсия қилинади.
2. Миф: Тери тури ҳеч қачон ўзгармайди
Вояга етгандан кейин тери тури ўзгармайди деган қарашлар мавжуд, аммо бу янглиш саналади. Гап шундаки, стресс, гормонлар ўзгариши, парҳез ва атроф-муҳит таъсири натижасида терининг қуруқлашиши кузатилади.
3. Макияж — ҳуснбузар пайдо бўлишининг асосий сабаби
Унутманг, ҳуснбузар пайдо бўлишига суртилган косметик воситадан кўра, тери ҳолатининг яхши эмаслиги, унинг сабаби эса истеъмол маҳсулотлари билан боғлиқ бўлади. Тери алоҳида парвариш ва эътибор билан бирга, уни ёғ ва кўзга кўринмас микроблардан тозалаб туриш талаб қилинади.
4. Юзда парваришдан кейин ҳуснбузар пайдо бўлиши табиий
Парвариш тери рангини яхшилаши, ҳуснбузар тошишига сабаб бўлиши эмас, балки терини ўлик тўқималардан тозалаши керак. Агар таъкидланган ижобий натижалардан биронтаси ҳам кўзга ташланмаса, косметик восита сифатсиз бўлиши мумкин.
5. Юзни эрталаб ювмаслик керак
Терининг тури қандай бўлиши — ёғли, қуруқ ёки аралаш бўлишидан қатъи назар, юзни кунига икки марта ювиш керак. Уйқу вақтида теридаги ёғлар юзага чиқади ва шу сабаб ҳам тонгда яхшилаб ювиб ташлаш керак бўлади.
6. Қорин билан ухлаш ажин кўпайишига сабабчи бўлади
Аксарият ҳолларда ажинларнинг пайдо бўлиши ёш билан ёки юз мушаклари ҳаракати ва насл билан боғлиқ бўлади. Шу сабаб ҳам қорин билан ухлаш ажин келтириб чиқаради ёки тепага қараб ухласа, ажин тушишининг олди олинади деган тушунчалар нотўғри.
7. Макияж тозалайдиган восита ёки скрабга пул сарфлашнинг кераги йўқ
Тери тузилиши турлича бўлгани сабаб ҳам бундай воситаларни айнан сизнинг терингизга тушадиганини харид қилиш керак. Сиз ёғли тери эгаси бўлсангиз, аммо арзон деб қуруқ юз учун мўлжалланган воситадан фойдалансангиз, тежаган пулингиз қолиб, ишлатилгани ҳавога учади. Чунки бошқа тери учун мўлжалланган восита ижобий натижа бермайди ва янгисини харид қилишингизга тўғри келади.
Изоҳ (0)