Тошкент шаҳрида коронавирус билан касалланган 65 ёшли эркак вафот этди. Бу ҳақда Соғлиқни сақлаш вазирлиги хабар берган.
Хабарда қайд этилишича, Олмазор туманида яшаган 65 ёшли К.Г. исмли эркакда 11 июль куни COVID-19 тасдиқланган ва у Тошкент тиббиёт академиясининг кўп тармоқли клиникасига ётқизилган.
Бемор доимий равишда юрак ишемик касаллиги, гипертония касаллиги, қандли диабет, сурункали ўпка обструктив касаллиги билан даволаниб юрган.
Беморга мутахассислар томонидан онлайн консультация ва консилиумлар ўтказилган, даволаш жараёни белгиланган стандартлар асосида олиб борилган.
Ҳамроҳ касалликлар фонида касаллик асоратлари ҳисобига аҳволи кескин оғирлашган бемор мутахассислар томонидан тўлиқ ҳажмда, стандарт асосида ўтказилган реанимацион чораларга қарамасдан, ўткир нафас ва юрак-қон томир етишмовчилигидан вафот этган, дейилади ССВ хабарида.
Бу вазирлик тақдим этиб келаётган статистика бўйича 86, «Дарё» юритаётган Ўзбекистонда давлат ҳокимияти ва бошқаруви органлари томонидан маълум қилинган коронавирус оқибатида юз бергани тасдиқланган 89-ўлим ҳолатдир. Аввал Тошкентнинг Олмазор тумани «Мирзо Ғолиб» маҳалласида жойлашган 18-оилавий поликлиника катта ҳамшираси Феруза Тўхтаева коронавирус инфекцияси асоратлари оқибатида вафот этгани хабар қилинганди.
Изоҳ (0)