Бугун,

  • USD 11095.31
  • RUB 173.84
  • EUR 10772.44

Қамчиқ довонида икки юк машинаси иштирокида йўл-транспорт ҳодисаси содир бўлди. Бу ҳақда «Қамчиқ» МҚЁҚБ Оммавий ахборот воситалари ва жамоатчилик ташкилотлари билан ишлаш бўлими маълум қилган.

Фото: «Қамчиқ» МҚЁҚБ ахборот хизмати

Фото: «Қамчиқ» МҚЁҚБ ахборот хизмати

2020 йил 18 июль куни соат 02:05 ларда «Қамчиқ» Махсус қидирув, ёнғин-қутқарув бошқармаси навбатчи-диспетчерига ЙТҲ ҳақида маълумот келиб тушган.

А-373, М-39 Тошкент—Ўш автомобиль йўлининг 242 километрида Тошкент—Фарғона йўналишида ҳаракатланган Isuzu ҳайдовчисининг ухлаб қолиши оқибатида, олдинда ҳаракатланиб кетаётган Sams’га бориб урилган.

Фото: «Қамчиқ» МҚЁҚБ ахборот хизмати

Фото: «Қамчиқ» МҚЁҚБ ахборот хизмати

Авария оқибатида Isuzu ҳайдовчиси ва унинг ёнидаги шериги тан жароҳати олган. Қутқарувчилар гидравлик асбоб-анжомлар ёрдамида сиқилиб қолган ҳайдовчи ва унинг шеригини машинадан чиқариб олиб, уларга тиббий ёрдам кўрсатган. Улар Поп тумани марказий шифохонасига олиб кетилган.

«Қамчиқ» МҚЁҚБ ахборот хизмати ҳайдовчиларга довонда ҳаракатланиб кетаётган вақтда хушёрликни янада ошириш, йўлларда тўхтаб дам олишни тавсия қилган.

Аввал Қамчиқ довонида 4 июнь куни тонгда юз берган йўл-транспорт ҳодисаси оқибатида уч нафар ҳайдовчи вафот этгани, 11 июнь куни тунда Қамчиқ довони Тошкент—Ўш халқаро автомобиль йўлининг 261 километрида жиддий йўл транспорт ҳодисаси содир бўлгани хабар қилинган.

25 июнь куни Қамчиқ довонида Тошкент—Ўш автомобиль йўлининг 250,5-километрида Isuzu ҳайдовчи бошқарувни йўқотиши оқибатида Howo’га бориб урилгани, Isuzu ҳайдовчиси ва салондаги йўловчи тан жароҳати олгани ҳақида хабар берилган.

Изоҳ
Асосий янгиликлар
Иқтисодиёт
Ўзбекистонда 2035 йилга бориб аҳоли 45 миллиондан ошиши кутиляпти — PMTI
Дунё
Афғонистонда юқори мартабали амалдорлар “Толибон” етакчисини тахтдан ағдармоқчи 
Маҳаллий
“Права”ни янгисига алмаштириб берадиган онлайн хизмат фаолиятида носозлик кузатилмоқда