Ла Лигага чиққан иккинчи клуб номи ҳам маълум бўлди
«Уэска» Испания Сегундасининг 41-турида «Нумансия»ни 3:0 ҳисобида мағлубиятга учратди ва Ла Лига йўлланмасини қўлга киритди.
«Уэска» 67 очко тўплаган ҳолда сўнгги тур олдидан мусобақа жадвалида 2-ўринда бормоқда. 3-поғонани эса «Алмерия» (63) эгаллаб турибди.
Шу тариқа «Уэска» ўз тарихида иккинчи бор Ла Лигага кўтарилди. Жамоа биринчи марта 2017/2018 йилги мавсумда юқори дивизионда ҳаракат қилган, бироқ ўша мавсумнинг ўзидаёқ Сегундага тушиб кетганди. Клуб 1960 йилда ташкил топган, уй учрашувларини «Эл-Алкорас» стадионида ўтказади.
Аввалроқ «Кадис» 14 йил деганда илк бор Ла Лига йўлланмасига эга чиққанди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
