«Лотереяларни ташкил этиш ва ўтказишни янада такомиллаштириш чора-тадбирлари тўғрисида»ги Президент қарори лойиҳаси муҳокама учун regulation.gov.uz порталига жойлаштирилди.
Қарор лойиҳасида:
- 2021 йил 1 июлдан лотереяларни ташкил этиш учун аввал берилган лицензияларнинг амал қилиш муддати тўхтатилиши ва ушбу фаолият турини лицензияланадиган фаолият турлари рўйхатидан чиқариб ташлаш;
- 2021 йилнинг 1 январдан бошлаб, лотереяларни ўтказиш билан боғлиқ хизмат кўрсатиш ҳуқуқини Ягона лотереялар оператори танловини ўтказиш махсус комиссияси томонидан танланадиган ягона лотерея операторига бериш;
- Капитал бозорини ривожлантириш агентлигини Ўзбекистон ҳудудидаги ягона лотерея ташкилотчиси сифатида белгилаш ва лотереяни ташкил этиш билан боғлиқ харажатларни лотереяларни ташкил этиш фаолиятидан тушадиган маблағлар ҳисобидан қоплаш кабилар кўзда тутилган.
Шунингдек, ҳужжатда ягона лотерея оператори танлов асосида Махсус комиссия томонидан тасдиқланиши, танловда номзод сифатида давлат ҳокимияти органлари, давлат бошқарув органлари ҳамда давлат ташкилотларининг қатнашиши ман этилиши белгиланади.
Лойиҳада Капитал бозорини ривожлантириш агентлигига бир ой муддатда Ягона лотерея операторини танлов асосида аниқлаш тартиби тўғрисидаги низомни 2021 йилнинг 1 ноябрига қадар Лотереяларни ташкил этиш ва ўтказиш тартиби тўғрисидаги низомнинг янги таҳририни, 2021 йилнинг 1 июлига қадар «Лотереялар тўғрисида»ги қонун лойиҳасини ишлаб чиқиб, Вазирлар Маҳкамасига киритиш вазифаси юклатилиши белгиланган.
Изоҳ (0)