Давлат молиявий назорати департаменти томонидан 2020 йилнинг I ярим йиллигида 2 584 та молиявий назорати тадбирлари ўтказилди. Натижада 81,7 миллиард сўм миқдоридаги бюджет пуллари ноқонуний сарфлангани аниқланди, деб хабар берди Молия вазирлиги матбуот хизмати.
Молиявий назорат тадбирларининг асосий қисми 2010 таси ёки 79 фоизи бюджет маблағларини мақсадли ишлатилиши юзасидан ўтказилган бўлиб, назорат тадбирларида 81,7 миллиард сўм миқдорида бюджет интизомини бузиш, пул ва товар моддий бойликлар камомади каби ҳолатлар аниқланди.
Таъкидланишича, назорат тадбирлари давомида кўрилган чора-тадбирлар натижасида ноқонуний сарфланган маблағларнинг 57,4 миллиард сўми (70%) бюджетга қайтарилган.
Ҳисобот даврида аниқланган қонун бузилиш ҳолатлари ва бошқа хато-камчиликларнинг таҳлили вазирликлар бўйича қуйидагиларни ташкил этди:
Халқ таълими вазирлиги тизимида ўтказилган 297 та назорат тадбирларининг 235 тасида 21,5 миллиард сўм миқдорида қонун бузилиш ҳолатлари аниқланиб, 2019 йилнинг мос даврига (9 миллиард сўм) нисбатан қонун бузилиш ҳолатлари 2,5 мартага ошган.
Соғлиқни сақлаш вазирлиги тизимида ўтказилган 285 та назорат тадбирларининг 205 тасида 14,1 млрд сўм миқдорида қонун бузилиш ҳолатлари аниқланиб, 2019 йилнинг мос даврига (6,1 миллиард сўм) нисбатан қонун бузилиш ҳолатлари 2,3 мартага ошган.
Мактабгача таълим вазирлиги тизимида ўтказилган 151 та назорат тадбирларининг 119 тасида 6,9 млрд сўм миқдорида қонун бузилиш ҳолатлари аниқланиб, 2019 йилнинг мос даврига (4,3 миллиард сўм) нисбатан қонун бузилиш ҳолатлари 1,4 мартага ошган.
Маданият вазирлиги тизимида ўтказилган 170 та назорат тадбирларининг 162 тасида 2,6 млрд сўм миқдорида қонун бузилиш ҳолатлари аниқланиб, 2019 йилнинг мос даврига (1,4 миллиард сўм) нисбатан қонун бузилиш ҳолатлари қарийб 2 мартага ошган.
Жисмоний тарбия ва спорт вазирлиги тизимида ўтказилган 168 та назорат тадбирларининг 154 тасида 2 млрд сўм миқдорида қонун бузилиш ҳолатлари аниқланиб, 2019 йилнинг мос даврига (0,5 миллиард сўм) нисбатан қонун бузилиш ҳолатлари 3,4 мартага ошган.
Сув хўжалиги вазирлиги тизимида ўтказилган 33 та назорат тадбирларининг 29 тасида 1,4 миллиард сўм миқдорида қонун бузилиш ҳолатларига йўл қўйилганлиги аниқланди.
Уй-жой коммунал хизмат кўрсатиш вазирлиги тизимида ўтказилган 18 та назорат тадбирларининг 15 тасида 0,9 миллиард сўм миқдорида қонун бузилиш ҳолатлари аниқланиб, 2019 йилнинг мос даврига (0,4 миллиард сўм) нисбатан қонун бузилиш ҳолатлари 2 мартага ошган.
Бундан ташқари, ҳокимиятлар ҳузуридаги «Ягона буюртмачи хизмати» инжиниринг компанияларида ўтказилган 85 та назорат тадбирларининг 78 тасида 4 млрд сўм миқдорида қонун бузилиш ҳолатлари аниқланиб, 2019 йилнинг мос даврига (2,8 миллиард сўм) нисбатан қонун бузилиш ҳолатлари 1,4 мартага ошган.
Шунингдек, йирик миқдорда қонун бузилиш ҳолатлари Андижон (8,9 млрд.сўм), Қашқадарё (8,2 миллиард сўм), Тошкент (6,2 миллиард сўм), Жиззах (5,5 миллиард сўм), Сурхондарё (5,4 миллиард сўм), Наманган (4,6 миллиард сўм), Фарғона (4,4 миллиард сўм) вилоятлари ҳамда Тошкент шаҳри (7,9 миллиард сўм) ва Қорақалпоғистон Республикаси (5,5 миллиард сўм)даги бюджетдан маблағ олувчи ташкилотларда аниқланган.
Бюджет қонунчилиги бузилган бюджетдан маблағ олувчи ташкилотларнинг 47 нафар раҳбарлари ва бошқа мансабдор шахслари ўрнатилган тартибда 35 миллион сўм миқдорида жарима тортилган.
Шунингдек, 1 246 та назорат тадбирларида аниқланган 79,4 миллиард сўмлик қонун бузилиш ҳолатлари қонуний чоралар кўриш учун ҳуқуқни муҳофаза қилиш органларига юборилган.
Изоҳ (0)