Америкалик енгилмас боксчи Тревелл Мазион автоҳалокат оқибатида вафот этди, дея хабар қилмоқда Daily Mail.
Таъкидланишича, ЙТҲ 15 июль, чоршанба куни Остин шаҳрида (Техас штати) содир бўлган. Яна икки киши тан жароҳати олгани айтилмоқда. Воқеа тафсилотлари ўрганилмоқда.
Яна тўққиз кундан кейин 25 ёшини нишонлаш арафасида турган Мазион профессионал боксда 2013 йилда дебют қилганди.
Ярим ўрта вазн тоифасида ҳаракат қилувчи боксчи охирги жангини 2020 йилнинг 11 январида ўтказганди. Ўшанда Тревелл Фернандо Кастаньедани 1-раунддаёқ мағлуб этиб, WBC йўналишида NABF титулига эга чиққанди.
У жами 17 жанг ўтказиб, уларнинг барчасида ғалаба қозонган ва 13 жангни нокаут билан якунлаганди.
Изоҳ (0)