Қозоғистонлик UFC жангчиси Жалгас Жумагулов UFC 251 мусобақасидаги мағлубиятида мураббийини айблади.
Қозоғистонлик яккакурашчи Абу-Дабида ўтган UFC кечасида бразилиялик Раулиан Пайвага очколар ҳисобида мағлуб бўлганди.
«Унинг жигарига яхши зарбалар берган вақтим бўлди, у буни ҳис қилди, бироқ охирига етказа олмадим. Кейин чап томондан йўллаган зарбам яхши тегди. Балки видеода кўринмас, бироқ юзма-юз турганингда, ҳаммасини ҳис қиласан.
Аммо озгина етмади, «стойка»мни ўзгартирганим сабаб охиригача ишлай олмадим. Агар ўз услубимда давом этганимда, уни нокаутга учратардим! Бироқ ҳаммаси ортда қолди. Ҳамма шикоятни мураббийимга қилишингиз мумкин. У менга «стойка»ни алмаштиришни айтди, мен бажардим. Мен ҳаммасини юз фоиз бажардим», — дейди Жумагулов.
Бу Жумагулов учун UFC’даги дебют жанг эди. 31 ёшли яккакурашчи бунга қадар MMA’да 13 марта ғалаба қозонган ва уч бор мағлуб бўлганди.
16 июль кунги UFC Fight Night 177 мусобақаси қандай ўтди? (видео)
Изоҳ (0)